40件有關網路寫作評論的事

Image for post
Image for post
insert 一張女女圖。
  1. 咩都係假,最重要是Visual。
  2. 寫垃圾都好,都可以丟一張女圖。唔睇文都可以傳女女,J女女,傳了以後再讀。文就是附屬品。
  3. 無圖唔可以出Post,無文可以出圖。
  4. 假設所有讀者對你的題材一無所知,是個白痴。
  5. 如果要寫D針對特定群眾的文章,最好的做法是,確保受眾之外的讀者可以當你篇文是篇搞笑的文稿。
  6. 標題就是你成篇文想要爭拗的內容,而這個內容最好要有Soundbite,越聳動越好。例如話,「奧斯卡是銀紙堆出來的一場Show。」、「盜版動畫是件好事」
  7. 最高境界是,將說明文、介紹文、敘事,偽裝成議論。呃完人唔緊要,反正無人會發現,發現的時候都太遲了,篇文都睇完,Click 已賺。
  8. 如果你唔知道咩叫有Soundbite 的標題,請去看Buzzfeed 的Youtube Channel。
  9. 標題裡如果有數字,寫明「N條」、「N件事」,可以有助控制你的讀者認定篇文有一定長度,讓這些在滾筒上跑步的老鼠認為:我讀得超有目的的。看看這篇文有那麼多個Point 啊!
  10. 避免用咩「我見」、「…………之意見」之類標題。理由是,講左等於無講。而且,有種中學雞寫報告書的感覺。
  11. 主題最好寫D時事或者大家都識得的內容,或者嘗試連回去讀者都認識的題材。
  12. 切忌高深,切忌孤僻,題材越 Layman 越好,顯得你和大眾同在。
  13. 如果你要寫D舊題材、舊作品(指事發超過三日到三個月的題材),確保你寫到一個點係篇文會好好笑,然後預計無人會知道你寫D咩。
  14. 唔好同群眾唱反調,因為後續留言追問好撚煩。無論你答唔答,你永遠都是錯的,因為他們這樣說。
  15. 如果你要唱反調,唔好寫。最起碼,唔好在網上寫。
  16. 如果你要寫技術文(例如話,評論某個遊戲系列在這二十五年的按鍵速度提高了幾多倍),請用圖表省略所有說明數據的過程。
  17. 其實你可以唔使寫技術文。直接丟張圖說你做了這個調查,這是數據,附帶個三行說明。完。
  18. 你可以引用學術理論,但你不可以出理論名(除非你篇文就是介紹理論)。理由是,有好多人唔中意學術理論,覺得學棍都在騙伙食(尤其是後現代)。你媽有教你這麼高大上是不可以的嗎?
  19. 如果你真係要引,最好確認所有讀者都睇唔明做咩,只見到一大堆名詞。咁,大家就會感嘆今日讀到一篇神作,然後因為駁唔到你覺得好犀利啊。雖然,真相係,其實大家都唔知道自己睇左D咩,無得駁只是因為你寫得太差。
  20. Quote 人唔俾Source 是常識吧。
  21. Quote 你反對的人唔俾Source 更加是常識吧。
  22. 開局好重要,但如果你有足夠搶眼的標題,其實有無Opening 都OK。
  23. 如果你的開局還在講你今日去左邊,吃左咩,無關你的論點或者件事的背景,你需要重寫。
  24. 將篇文總結成三行可以說完的事情,再學習擴寫。
  25. 主題句很重要。From Uncle Shit:每段第一句都是全段總結。
  26. 當讀者都是白痴,假設他們只會讀每一段的第一句。
  27. 論證不必要,論點很重要。
  28. 你唔需要論證到好深入。如果覺得有人會拆穿你,話你論證不足,就真係荒謬,將自己睇得咁高。
  29. 如果真係有人拆穿你,呢個時候有幾個百搭的答案:「你咁叻,你嚟寫啊笨柒?」、「你咁認真做咩呢?」、「唔睇你仲回覆我?」。Show block user。Case Closed。
  30. 就算你會說明每個論據,都唔好排比,或者每點俾多過一個論據,因為無人會睇。
  31. 你其實可以讓讀者自由心證,自己找到論點的論證。理由是,好可能你都唔知道點為自己的論點辯護。
  32. 你唔需要搵真正的反對派意見去反駁。你可以自己做兩邊。如果有人問起你邊個咁講,你就話有人就得。世界咁大,真係無你就作一個出來咯。
  33. 如果可以,其實你無需論證。誇張的比喻會是你的好幫手。最好深刻到就算要罰你抄一百次,都會一邊抄一邊笑。
  34. 你不可以排比論據,但你可以排比句式。
  35. 可以用廣東話,但不必要。
  36. 可以省去的東西全部都應該省去。如果篇文無地方可以Cut,咁就可以出街。
  37. 如果你很擔憂有人會問你,問點解某個Point 無左D野,少年,你太年輕了。你以為網路上真的有那麼多人回覆你的帖子?其實都是我一個人回的,不然我換個id發同樣的話給你看。
  38. 頭盔一定要帶,但要在留言帶。篇文要講得越絕對越好,最好就寫到是世界定律,好似你訪問過全世界七十億人得出呢個結論,全世界為之而震精。
  39. 你媽知道你在這裡po廢文嗎——因為,篇文收視差永遠是因為你寫得差,寫得好永遠不會是因為你寫得好睇。篇文收視好,可以因為圖好、題材夠新、論點夠阿媽係女人、回音室大家一起拍拍手、因為大手轉過你篇文、因為朋黨捧你,因為收視同你寫得好無直接關係,但收視差就一定是你寫得差。
  40. 認清楚整個網路寫作生態,其實即是一部大型的老虎機:上癮度高、像Skinner Box 一樣容易困住自己,而且,終有一日你會輸清光你的時間,最後咩都無,除非你好彩中Jackpot,及早Cash Out
Image for post
Image for post

祝各位施主及早脫離苦海。以上,完。

Written by

香港人。寫動漫畫輕小說等評論。偶爾也寫媒體生態。Facebook 專頁文學少年的房間 .II 的作者 Facebook Page @facebook.com/altiahk

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store