Medium 的 Paywall 計劃:收入篇

今天因為拜山,所以預早寫好了這個Post,打算來聊一下Medium 的收費計劃——我不是說大家都應該要公開自己的數字,坦白講亦覺得無必要。我會寫這樣的文章的理由是,反正收入都來自大家的瀏覽,我只是將大家做的事情說清楚而已。

Image for post
Image for post

早前丟了一篇恐怕都無咩人想睇/應該是收視麻麻,寫國際象棋和圖板遊戲成為E-Sport 的文章。根據截稿日(18號深夜一點)的數字,這篇文為我賺到的稿費是9.71 美金,折合港幣則是75元(未計算手續費)

七十五元這個概念是什麼呢?大概夠我吃一頓飯,買一晚的晚餐,買一本角川輕小說(連車費);這筆錢不算多,但如果我告訴你,寫了評論和膠文那麼多年,我這幾年最多的稿費就是投了給某個網媒幾篇稿,每一兩年收到一個麥當勞套餐的稿費,這七十五蚊一篇稿大概就是跑贏網媒的價錢(大概係),雖然肯定跑輸紙媒、大部分雜誌,或者文學獎,但大大啊你都唔會每三日就投稿紙媒或者文學獎啦屌。

當然,我如今仍然覺得,medium 這種付錢計劃是Too good to be true,坦白講聽起來好似Bitconnect 一樣。雖然Medium 唔係龐氏計劃,大家個人投入只有文章和時間,但目前大部分人會為Medium 拍手、Medium 之所以會被人贊,主要理由只是因為見到部機器有錢跌出來、見到有人會維修機器,所以就覺得部機器好犀利啊部機器一定掂,而唔係因為個網站可以在兩邊都賺到錢的情況下繼續運行— — 最起碼我唔會相信自己寫的題材會收到咁多稿費。

但既然文章有稿費收,而每個地方都無,我寧願用Medium 寫;事實上,在Facebook 貼圖寫文,寫埋D趕客Theory 同埋長文,就連做隻豬買廣告呃自己都唔可以。既然Facebook 都咁趕長文,我除了當這裡是宣傳跳板,然後將文全部搬去Medium,還可以點呢?

Image for post
Image for post
差唔多是每日望到facebook 的感想。

雖然寫 Theory 邊度都趕客,邊度都唔適合,但最起碼Medium 好似會比Facebook 好。短期之內,應該會兩邊都更新,可能就更新的速度會是medium 快過Facebook — — Facebook 就固定七八九十或者中午更新。

然後,稿費收到之後有咩用?除了最直接用來吃用來生活,我目前最主要的支出有:

  1. 買書、辦medium 的Subscription、或者辦網上睇書、睇資料的會員。人人要寫出更好的文,一定要睇書、睇唔同的理論;對於任何講究知識、評論的寫手,The day you stop learning is the day you stop living。
  2. 搵人幫這個網站畫一張Banner。這裡全部都是盜圖,我不想繼續這樣下去了,都八九年了是時候了。
  3. 生活,將寫作呢件事正式轉成是一份工。如果我唔願意玩傳統出版或者雜誌或者網媒的遊戲,那就只能開一條新路。

3 恐怕就太遙遠而且On9,好似要打倒民主黨一樣:打倒完民主黨又會有一個新的政黨出來取代被人打倒,所以我還不如等中六合彩好過。1、2 應該就是非常Immediate 的事。暫定Medium 收到的錢全部都會用在2 之上。

我很少呼籲大家會拍手點贊 — — 因為我相信讀者唔係倉鼠或者實驗室的白老鼠,但老套點還是要講多句,有時間的話大家就多點拍手吧。

香港人。寫動漫畫輕小說等評論。偶爾也寫媒體生態。Facebook 專頁文學少年的房間 .II 的作者 Facebook Page @facebook.com/altiahk

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store