Re:從零開始嘅撲口罩生活

Photo by Macau Photo Agency on Unsplash

一個幾月前嘅一月底,我屋企無口罩。

話一個口罩都無就有少少過份。最起初我話買口罩嘅時候,老母提醒我「我地有一盒口罩你唔使預備啦」。從櫃底掏出一盒口罩。試戴一個,發現,呢盒係細碼口罩,唔岩戴。

年二八左右,老母有個朋友嘅女做萬寧,將好耐之前萬寧買到一盒三十個獨立包裝嘅口罩俾左我地。年初一年初二開始,成條街所有人戴曬口罩。佢突然無口罩用,聽聞後來去左買韓國口罩。

我當然無將口罩還給對方。佢都無問我地要。我每日都俾老母鬧我。

到左年初三定係初四。拜唔成年,我留係屋企上網睇書打機,突然見到有舖頭係度賣口罩。100蚊一盒20個N95。當然叫已經係街買餸嘅老母去排。老母反應得一句:「咁貴架?」